終於有時間更新網站。（笑，，，係終於諗返起仲有呢個網站）
（好乖呀我！！五月就寫定半年結！！）
點解咁突然想總結？
因為有一日，諗起最近呢幾個月做緊自己平時根本唔會做／
現在的我要我做返半年前決定的所有事，我又覺得我無勇氣再做返
看起來似是奇蹟，但我會形容是碰上對的時間（Ｘ！ａｒｍ ｔｉｍｉｎｇ ｌｏｒ！）
因為作為中女，除左樣貌要比之前更用心保養之外，內心都同樣要提升。
世上最愛自己的人，一定是自己。
１． 學車
對的！！！！我去左學車啦！！！！中女去學車真係好嚇人
尤其連左，右都未。。。。。分得清。
暫時我只ＰＡＳＳ左筆試，仲未上堂學車，因為九月先考試。
（過去兩個禮拜，已經上左兩堂，終於揸過下車！！！！）
一月時，友人提起作為中女，如果現在不敢學，今世都未必有機會敢。
那一刻，像撻著開關鍵般，我決定報名學車。
自己一個在運輸署網站找報考表格、申請考試、申請學習駕駛執照，之後找朋友介紹師傳等
說出來每個步驟都很簡單，但其實真的很麻煩，煩到有時做錯我覺得是自己找屎來辛苦。
很想很想分享每個辛酸的過程，很辛苦但很值得，半年後的我仍覺得是一個奇蹟。
２． 學瑜珈
之前本身都有上開，但都係間唔中先上一堂
有日，發現個身體經常性都好倦，但其實我每日訓足十個鐘（
我就發覺自己肯定運動不足。
咁就報左無限堂，開始我瑜伽之路。
二月時報讀無限堂瑜珈，即每月無限任上。
一開始，我只要上一小時瑜珈後，靈魂已出竅。
第二天全身酸痛。連續兩天都動彈不了。
半年後的我，一個星期上兩次瑜珈，每次兩小時。
跟友人談起我的瑜珈練習，大家都很驚訝地說我很勤力。
現在的我，小肚腩已慢慢淡去，有淡淡的腹肌坑紋，穿起ｃｒｏｐ ｔｅｅ／緊身裙也不用怕。
完成一個目標後，我又開始練習一字馬。
從前的我，連想都不敢想去做一字馬。
現在的我，只想著何時練好？下個目標又會是哪個練習。
練習瑜珈最大得著，是令我明白所有事情都有方法去達成。
没有不可能，只有暫時想不到的方法。
想通後，很多事情原來都很易解決，想法正面樂觀又減壓。
練習時亦可擋開一切雜念。
分享文： 不久將來。。。。。
３． 一個人去泰國旅行
因為本身份工太多假期。除左試過日本一人行，我又膽粗粗咁去左曼谷。
又因為第一次自己去，只安排三日兩夜。最後好多行程都趕不上。
（本來計劃七月又再獨自上路。但決定了今年下半年目標是儲錢。最後打消念頭。）
三月時，甚麼都没有想就立刻請假買機票，想著一個人去曼谷有什麼可以做。
大部份計劃都如願完成。一個人去學烹飪，一個人走去老遠做ｓｐａ，一個人就去拜四面神。
一個人去食飯。一個一個獨立的晚上。
分享文： 不久將來。。。。。
４． 報資格考試（係！兩！個！試！）
考完學車筆試，突然覺得好空虛 ，又再揾試去考。
即刻諗到考資格考試。
係同行返左幾年工，再拎返ＮＯＴＥＳ温書真係堅難。
雖然係中文，ＭＣ，但比左錢唔及格都幾肉酸。
所以，我一報考左就即刻同朋友／同事講
俾壓力自己一定要ＰＡＳＳ（當然我係想滿分，
半年後的我，覺得會報資格考試簡直又是另一個奇蹟。
雖然不能升職不能寫在ＣＶ，但無疑地本行的行業智慧是加深了。
比其他没有報讀的同事，是認識深了，遇著問題也先想一想，不靠他人。
分享文： 唔。。。比較短，會考慮下
５． 去內地出差＆一個人到內地出差
考完一個試，咁啱有機會可以到內地出差。
咁我第一次出差就獻左比～～～上海～～～～～～
一個月後，我又去左福建一個人的出差。
四月到上海出差，五月到福州／廈門出差。（有一天是自己一個）
寫好没多久後，又被通知一個人去中山出席簡介會。
這三個月已用盡我一世人去內地、去出差的機會。
因為公司內部問題，不久將來未必有機會再可以出差。
回想起來，三次都是我自己爭取參與。
現在的我，想著這三個月又是我人生的一個小奇蹟。
分享文： 稍後寫下小分享
６． 去左揾風水師傳
因為之前太迷一個ＢＬＯＧ，講得咁神，所以我親身去會一會佢！！
半年差不多已過，佢講得準唔準，遲Ｄ又可以更新下！
應該是一月時找師傳問事吧？
半年後的我。所講的事情，事業方面大部份都。。。。没有批中。
（其實，上一個月我又經朋友介紹探望西灣河占卜婆婆。）
（原來我真的太迷信了！！！！！！）
（身邊的女友們都找上這位婆婆問事。只靠面相，摸手及出生日期，
没有計算，就直接講得出我們的背景。很神奇）
分享文： 第一次。占卜。周法緣
７． 醫學美容 做ＬＡＳＥＲ
唔知算唔算呢個ＴＥＲＭ，睇得太多師奶論壇，終於頂唔順去試做
又因為中女大限已到，係時候執一執個樣
接著的幾日後，我又做了ｌａｓｅｒ
没有即時效果，没有嘩一聲的改變，本身也很失望。
接著等一個月後，發覺皮膚真的較之前緊緻而且也漲起來。
比起每天搽護膚品，效果來得快也顯著。
中女要求的護膚品，比起少女時代貴得多。。。。。。。
分享文： 當日未有影相。如有下次，應該會影下。
８． 拜四面佛
都係師奶論壇。。。。。。
不過拜完個人係正面好多。無咩特別不正面
又是一個月後，發現師奶論壇多了很多很多很多！！！！！ＰＯＳＴ講四面神。
誇張得像每日一篇。每日都有人答謝神。
有時很羨慕他們，願望很易達成。
雖然我的願望不算１００％完成，但個人真的正面很多。
以上所有經歷，都是拜四面神後的結果。
分享文： 都係無影相。如有下次，應該會影下。
９． 轉髮型／眼鏡
將戴左幾年的眼鏡轉左，仲留返齊陰。
真係。。。。師奶左。。。。。。又係師奶論壇，可能
大概三年都没有轉髮型，一前個齊陰真係返唔到轉頭。
因為好難留長。。。。。。。。。過渡期很難過。
要齊陰就要一直找髮型師剪，髮型師見到我都嚇了一跳。
因為不到一個月又要找他，（又～～～係～～～～你！！！）
之後又轉了眼鏡，又是。。。。Ｘ評如潮。
大家都以為我找了小學三年級的眼鏡來。扮一個中年阿嬸
（而我確實是阿嬸＝。＝）
１０． 再寫返ＢＬＯＧ
不要打我。。。。。。
１１。戒酒。戒咖啡。食齋
並非信仰關係而開始食齋，但自從戒酒。戒咖啡。食齋
皮膚、脾氣及精神都好起來。
以前食肉時代不能食好一碗飯，只食了幾口就當一餐飯。
現在食齋時代，輕易的食好一碗飯，三個餸，一碗湯。
分享文： 很想不久將來為大家介紹我的午飯食堂。2017.9.24更新
食齋／素食。營養平衡分享。樂農素食
食齋／素食。營養平衡分享。樂農素食
１２。投資篇
由從前一直想像的短線投機。現在的我只考慮一個長線投資ｓｔｒａｔｅｇｙ
分享文： 一直很想寫投資ｂｌｏｇ，希望有機會。
睇返咁多項，原來都係消費項目。
真笑
如果大家能堅持看到這裡，真心很感謝大家支持。
黑字是五月份時在公司寫的，思緒仍很混亂
淺藍色的字是現在七月時回顧寫的。
本來想著一個月變化應該不大，所以五月份時就立刻全篇文章打好。
直到２０１７年上半年完結後，想著把它發佈出來，
才發覺大部份事情都有微妙變化。
所以黑字不想刪掉，以淺藍色的字示為更新，也作為一個記錄。
回顧過去一年，我的ｂｌｏｇ都是關於自己的情緒問題。
現在更新好，想將正能量發放及分享。
因為美貌不能一直維持，只有善良及美麗的內心才可一直不變。
希望大家２０１７年上半年也過的美好。
期望下半年比現在做的更好。接著也寫一下展望下半年目標。
沒有留言:
張貼留言