（友人以為我像內地網路主播出賣樣／身材／姿色？，才有如此回響）
（我笑說：我無ＰＯＳＴ相，全文字！！！我係以文回友，ＯＫ？）
剛回看上半年總結文章，說没有趕上的泰國一人遊，最後我也任性地出發。世事很難預料～）
也感謝留言介紹齋鋪／食堂的人～
希望將來的文章大家也可以留下名字留言，因為。。。。
我係以文回友，好不好～～～～～～～～～～～～～～～～～～ （笑）
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
食齋係我一路無諗過會發生係我身上的事，至少阿姐我幾十年來都無聽過身邊朋友有此習慣。
突然有呢個喜好，效果又唔差，希望同大家分享心得，以及當中難處。
由於我並非營養學專家，如大家開始食齋，可先尋找專業人士意見，始終人人體質不同
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
幾時開始素食之路？
由轉工開始的。
新同事食飯食來食去個幾間，明明附近有大把餐廳，但總係食個幾間，仲要唔好味（暈。）
大家樂／美心／老麥也總不能日日食，因為味精太重，我食得多味精會昏睡。。。。。
有日頂唔順，找了友人食飯，佢介紹左呢間素食餐廳比我，從此踏上食齋之路
素食餐廳 - 樂農素食 Happy Veggies
網站: http://www.happyveggies.hk
開飯網評: https://www.openrice.com/zh/hongkong/樂農
樂農係香港首間非牟利的社會企業素食餐廳，提供工作以協助弱勢社群自力更生。
除了收銀的老闆娘（？），其餘大部份職員也是聽障人士，
所以有時同佢地溝通要用手勢／手語／或找老闆娘幫忙
（有咩要溝通？屎忽痕突然想轉菜式／多飯／少飯個陣。。。。。。）
日日不同 六選三餸
ｌｕｎｃｈ最煩係咩？煩食咩ｌｏｒ．．
呢度每日只提供六款菜式，迫你六揀三
（我想講，其實愈多款揀愈煩，因為最後你咪又係食一碟飯，比百幾款你揀又有咩用）
小心得
其實第一款同第六款係日日相同。。。（你又話日日不同？。。。ＯＫ，我錯）
通常第二至第四款先唔同。
而阿姐我，對真正齋菜，就真係無乜興趣（。。。。。。？）
所以第一款。羅漢齋；第六款。菜（其實係佢整得太老，唔好味）
通常我係第二至第五款，剔走一款就揀完。
因為眼見好多人企係度揀足成分鐘時，我三秒內就揀完。（優越ＤＥＲ～～～～～～）
素食路上的疑問
其實一同人講我唔食肉（但唔會強調食齋，因為覺得好怪咁？），大家都好驚嚇地發表個人獨特偉論
常見偉論１：我唔食肉會唔夠飽囉
其實減肥人士如果想有飽腹效果，通常會食高纖維食物。咁當然蔬菜類都係其中之一。
常見偉論２：你信左教呀？其實食素同宗教信仰並無一定直接關係
較為有深度的問題：會唔會唔夠營養？
其實係有機會的。所以為左營養平衡，要小心安排食物組合。當然亦可額外進食營養補充品。之後會簡單講下營養補充既心得
如何開始素食？
即時全部轉素食
同之前戒咖啡戒酒都一樣，即刻戒，無藉口！
（又或者減肥一樣，即時生效！）
（因為最近又想重新食素，但一日推一日：食埋今日先啦，我又唔係食唔到？）
（最後，今日！我又開始素食生涯。）
一個月的齋期
首先給一個固定限期給自己，作為挑戰又好，試用期又好。
始終幾十年黎我真係未試過無肉生涯。
如果頂唔順，都可以同自己講，都係一個月姐，頂埋佢！
真係唔掂，咪停下食返肉囉。
其實，第一日開始食素，會以為自己唔使十幾日就會入醫院（而家諗返，我的確真心膠。。。。）
諗住無營養，又或者唔夠飽。但日過日後，又無事喎？
素食路上的難處？
最辛苦應該係第一個禮拜
首先平日返工ＬＵＮＣＨ要點解決？（有時工作關係又唔可以日日去樂農食）
夜晚個餐又點解決？
同屋企人、朋友食飯又點算？
會唔會唔夠飽？
會唔會唔夠營養即刻死？
最後都一一解決。
1. LUNCH唔食樂農就揾正常餐廳買飯，但自己隔走肉。
2. 夜晚食大量菜。生果。乳酪（溝Chia seed/ Granola ）
3. 直接講出暫時唔食肉
4. 其實大量菜都會好夠飽，係好大量個種
5. 會額外多飲豆漿。牛奶。食維他命。乳酪。營養補充品
如何保持營養均衡？
又講真個句，大家諗下食肉個排，營養真係均衡？
保證你食個Ｄ係有營養？唔係垃圾食物？
認真諗諗去。
（本人肯定肯定唔係，因為我最鍾意食垃圾食物。）
準備開始素食時，網上揾左少少資料，大家可以參考：
1. 吃素營養夠嘛? BY 欣泉生活
2. 長期吃素的壞處 BY KKNEWS
3. 我想食素, 但營養足夠嘛? BY ETNET
4. 超級食物變升級素食 BY APPLEDAILY
5. 為什麼要食素? BY 普賢佛學會
總括而言，素食大致特別缺乏以下的營養；而同時我都有張良計解決：
１。蛋白質
食物含此類營養：豆製、穀類、堅果產物
＞每朝以豆漿代替咖啡；晚上甜品係乳酪加Granola （包杏仁及乾果）
２。維他命Ｂ１２
食物含此類營養：奶、芝士、菇、海藻類食物
＞額外進食維他命Ｂ雜；
３。鈣、鐵、鋅礦物質
食物含此類營養：豆腐、乾豆類、葡萄乾、堅果、種子類、乾果類、深綠色多葉蔬菜
＞選擇含杏仁及乾果的Granola；最近熱愛食的都含有鐵、鈣、鈉、維他命C及蛋白質
４。Omega 3
食物含此類營養：魚類、堅果、深綠色蔬菜
＞Chia Seed （超級食物：奇亞籽）加乳酪食
＞不過有網友表示熱量好高，開始食比未食肥左。。。。。。。
＞https://formulawave.com/chia-seeds-benefit/
素食後記
最後我都成功堅持素食一個月。
友人們見到都唔覺我面青青，有Ｄ反而覺得我皮膚好左、精神左！
（當然啦，比以前更留意營養，又無再食垃圾，好難會再差左）
九月時又開始肉食生涯，仲要暴食暴飲個種（咖啡、酒都全部飲返），驚死以後無得食。
但結果又有無開心左？皮膚好左？精神左？
係！無！！！
咖啡只可以換來虛幻的精神，心跳加速，到夜晚又會訓唔返；
酒就更加係開心一個鐘，未來一日都係頭痛無精神；
食肉又唔見得開心幾多、飽左幾多。
咁當然，我唔係鼓吹素食無敵，但我會建議少肉多菜
注重營養、健康同做適量運動！
自己一個人食飯咪食下素囉
同朋友開心食飯咪食下肉囉
最後，如果去樂農認出我，千萬不要相認（年少輕狂症又發作.....）
沒有留言:
張貼留言