＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
話說放工返屋企再出門做瑜珈撘地鐵之際，
我發覺我大脾好涼。的確，今晚轉涼左。（太天真太傻的想法。。。。。。）
再過一個站，發覺大脾好濕。濕到想拎紙巾抺腳之時，準備打開書包揾紙巾啦。
一拎起書包，Ｅ？個書包滴水既？
再打開個袋
我
Ｄ
Ｘ
Ｘ
！！
成個袋都係水！！！！！！！！！！！！！！！！
我個水樽未＜拎＞好，Ｄ水漏晒出黎。
正面Ｄ諗，仲有半樽水。陣間上堂仲有水飲～（迷之聲：ＯＮ９有個譜，ＯＫ？）
想拎包紙巾抺下啦，成包都浸濕晒。
除左前袋仲有兩張之前抺汗未掉又乾晒既亁紙巾。
我不停咁抺。但兩張乾紙巾吸水能力十分強，兩秒吸濕成功！
想拎開個袋放係櫈啦，嘩，Ｄ，成張櫈都係水，漏Ｍ咁。。。。
個一刻我真心呆左，掉左個袋又唔係，放係大脾就唔止大脾濕，成條褲都濕晒。
我變臉咁突然變左Ｎ個又呆又驚又嚇既表情，好浮誇個種。。。。。。
再望下身邊Ｄ人。
嘩，好彩個個玩電話見我唔到，ＤＵＰ低頭諗住捱多幾個站就算。
「你使唔使要包紙巾？」
抬頭望一望，如同見到六合彩中頭奬個張飛，仲要係金多寶個張！！！！！！
「唔該晒。。。。。」
佢走開左，又ＤＵＰ低頭玩電話。
當然之後的事。。。。。嘿嘿
。
。
。
。
就絶對唔係拎電話傾計個Ｄ無謂情節啦
我抺好個袋之後，一直倒數緊幾時落車，落車之後仲要秒速走人。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
後話
估唔到香港仲有人咁好心，你明啦。
地鐵呢Ｄ連位都未必肯讓既地方，話之你癩屎，都未必有人理你。
我只係倒瀉水，都有人肯拎包紙巾比你
老套講句，錦上添花的人很多，但也比不上一個雪中送炭
當然，大家又認為一包紙巾姐？唔使咁感嘆喎？
又其實，幾年前，一個好熱既中午我等緊巴士，成身都係汗，我一個女仔都用左兩張紙巾抺汗
隔離有個男人一直望住我？（包紙巾），流汗如同淋浴般誇張，
年少輕狂的我，只覺佢貪圖我美色；又其實我太怕羞，所以上到巴士，我都無比過一張紙巾佢。
事後，我一直耿耿耿於懷，覺得咁少事怕唔做，好失敗。好後悔。
自此，我一直希望能借出呢張紙巾比有緣人。
後話二
又其實呢，呢件事，我係ＩＧ只用一分鐘就打完，ＣＡＰ圖加兩句ＨＡＳＴＡＧ，
因乜野要打半個鐘呢篇文。。。。。。。。
後話三
有圖有計傾
沒有留言:
張貼留言