中資行的二三事。(一)

最近工作忙碌，但混亂中總有些趣事，暫定以＜中資行的二三事＞記錄

＊＊＊＊＊＊＊＊＊＊＊＊＊＊＊＊＊＊＊＊＊＊
有日忙碌工作到天昏地暗之際（有邊日唔係？），其他同事又外出參與培訓，只餘下兩三個同事。

男同事Ｂ：喂～我唔係想話你Ｄ咩，但你條裙咁短，唔係話你走光定點啦！
　　　　　你知啦！其他女同事點睇你？尤其Ｄ女上司呀，唔知仲以為你博乜！

全場靜晒

我：其實都唔係好短姐，況且我又唔係靚，無個種效果喎！

男同事Ｂ：咁都唔好啦

我：咁唔著囉

男同事Ａ：咁又唔好（狂笑）

男同事Ｃ：（由頭笑到而家）

＊＊＊＊＊＊＊＊＊＊＊＊＊＊＊＊＊＊＊＊＊＊