北海道。東京遊

去相～

今次去日本無咁瘋狂購物，不過都發現左兩款新野～

１. Botanist Shampoo & Hair Oil（購自藥妝店）
　呢隻洗頭水超～香～呀～～而且係無矽配方，對頭皮無負擔！
　仲平過用開個隻POLA FOAM洗頭水！！
　已經大量入貨（心心眼～）
　　　
　同埋隻HAIR OIL都超好用～最緊要唔立囉～！
　去日本拎左支大島Ｘ髮油搽，咁乾燥都好快油囉！！！！！！
　頂唔順即刻入左呢隻髮油，估唔到咁出名～又好用。

２. Rimmel Magical Color Stay Lip Coat（購自藥妝店）
　　呢款係朋友托我買，話係雨僑係雜誌介紹係防脫色唇膏。
　　其實正確講係，搽完唇膏先搽呢隻lip coat。咁唇色會持久四至五小時。
　　自己都撘單試下，點知又幾ＯＫ喎～唔使成日補唇膏～
　　不過有時要補下潤唇膏，因為有少少乾。

利申: 以上三種產品均於小妹IG SHOP發售。

頭髮護理。Shiseido 五重育髮精華素。Kerastase 逆時光至臻修護髮膜。Pola 洗髮水。Aveda 頭髮速效修復精華

[含部份廣告：小妹開設IG SHOP @MVLonlineshop]

超耐無打文分享啦!!!!
　
雖然少左分享，但打得出黎全部都係真心精選過。

最近非常著重頭髮保養，因為一年前電完髮之後，頭髮差左勁多！！！

開叉不特止，仲要勁旱，勁扁（即係頭髮好似無左生命力咁）。。。

總之好似一堆爛草！！


本來以為剪短頭髮就無事，點知每隔兩個月剪一次，頭髮仍然好差。好差。。好差。。。

最後尋尋覓覓，揾左四支護髮產品拯救我把爛草！！！

1. Shiseido The Hair Care Adenovital Scalp Essence 五重育髮精華素 180ml*** 
　(專門店 $620, 小妹IG shop @mvlonlineshop $3XX)

　　賣點：當中生物成分「腺苷」配合專利生物科技，
　　　　　直接於毛乳頭細胞發揮作用，再加入靈芝及明日葉精華，激活促進髮絲生長基因 。(摘自官網)
　　效果：直接噴落頭皮會有好「涼浸浸」的感覺，真係好似feel 到頭髮重生的感覺!!!! (打完都笑左...)
　　　　　用左一個月，明顯無以前咁易斷髮，頭髮係強；
　　　　　 同埋頭髮係無咁扁，即係。。頭髮豐盈左！　　
　　評分：9/10 (已回購N支; 扣左一分係香港專門店太貴!!!!!! 所以記住幫襯小妹IG SHOP ^3^)


2. Kerastase 逆時光至臻修護髮膜 Chronologiste Essential Balm Treatment (200ml) (專門店 $780, look fantastic $2XX)

　　賣點：高效滋養頭部皮膚及髮絲的護髮膜，蘊藏活性海源精華，能修復髮絲，令髮絲更柔軟順滑。(摘自官網)
　　　　　　但我覺得英文版形容得好好多：
　　　　　　a luxurious hair masque that combines naturally derived ingredients to leave your hair revitalized, 

　　　　　　conditioned and enviously bouncy.(摘自look fantastic)
　　效果：highlight 左的賣點係完成做到!!! 
　　　　　 revitalized (有生氣?有活力!!)； 因為呢隻Treatment 係特別香, 好似CHANEL香水味!!! 
　　　　　　最記得第一次用完係好似全身噴左香水, 香足成晚!!!!! 
　　　　　　conditioned (滋潤)； 最基本的功效一定做到啦～頭髮仲要好軟～綿～～綿～～～
　　　　　　enviously bouncy(我會解豐盈)； 頭髮無咁扁 
　　評分：9/10 (已經用左3支!!!!!!扣左一分係香港專門店太貴!!!!!! 要特登去look fantastic買...)

3. Pola Foam Shampoo 550ml (專門店 $240, 小妹IG shop $3XX)

　　賣點：無矽配方的洗髮水，泡沫豐盈，使頭皮緊緻，髮絲柔順，易於梳理。 
　　　　　Decyl Glucoside "癸基葡萄糖苷" 由馬鈴薯、椰子、粟米等植物精華提煉而成的活性洗淨劑，
　　　　　能清除"矽"，對肌膚之刺激性較低。(摘自官網)
　　效果：之前應該介紹過。第一讚係無矽成份!! 用完頭皮好爽,好清涼!!! 
　　　　　但用左年幾左右就無咩晒涼浸浸的感覺。
　　　　　不過～最緊要係洗得乾淨～朝早七點洗完頭，最快下午三四點先開始出油。
　　評分：7/10 (已回購N支;專門店得幾間, 要入貨好麻貨; 而且都幾貴, 暫未揾到水貨鋪買平貨>< )

4. Aveda Damage Remedy 頭髮速效修復精華 100ml (專門店 $320 )

　　賣點：以最有力的植物配方重新滋養受損的頭髮。
　　　　　適合任何因化學物、熱力或其他環境因素所導致的脆弱髮質，讓它回復自然美，
　　　　　使頭髮健康，如絲般柔順，增加亮澤。。(摘自官網)
　　效果：平時夾頭髮前去搽，最緊要唔立，又香～

　　評分：7/10 (都幾貴，揾緊代替品)

聲明 : 除已標誌***的產品，以上產品全為自購，所有評價純粹個人感受，只供參考。產品正確成份及買賣地點以官方網站為準。

利申：本人頭髮較易出油，中短髮，前一兩年經常電髮導致頭髮極易開叉、乾旱及易斷髮。

小妹新店，請多多支持～
Instagram: https://www.instagram.com/mvlonlineshop
Facebook: @mvlonlineshop

2015年12月15日 星期二

純分享。買旅遊保險，送戲飛！！ ［非廣告］

嚴正聲明，此文並非廣告文，純分享抵買優惠。

最近多左去外遊，所以多左留意買旅遊保的優惠。［師奶心態又出黎，笑］

之前同朋友去旅行就托朋友買埋。個陣用緊英Ｘ保Ｘ，網上買就有九折優惠。一百蚊保幾日，ＯＫ啦。

有日上網見有BLOGGER介紹。買中國平安保險，送一套兩張換票証！！！！！

媽呀！！！！！一份旅遊保都百幾蚊，仲要送兩張戲飛！！！！抵到喊呀！！！！

仲要Ｄ戲係新架！！！出名架！！！

大家而家心入面一定好多疑問，究竟係咪呃人，邊有咁著數？

問１。呢份旅遊保係咪仲有額外費用要加先拎到戲飛先？
答１。投保價錢已經係埋單價。絶無其他額外費用。
　　　以今年聖誕假期去五天日本，報價如下：


問２。係咪指定送某一齣戲飛，仲要係垃圾戲先？
答２。係某一個期間，會有指定幾齣戲俾你揀。以我上次１１月投保時，換領信係咁的：
　　　（喂，都唔差啦掛？係近排無好戲睇姐）

　　　　
問３。要點先換到戲飛？
答３。成功投保會收到電子保單同換領信，列印呢兩份信去指定辦公室（係灣仔）領取就得。
一入門口，個接待員見我拎住封信已經問定睇邊齣。講完唔使３秒就收到換票証！！！！

方～便～又～快～捷～

唯一唔好處係要係指定時間內領取套戲票。

１. 只可以係辦公時間，星期一至五，朝十晚五。

２. 投保後大概七至八個工作天內要去辦公室領取。

［［個陣係附近返工就當然方便啦！！而家轉左地方，完全唔知點去拎。。。。［媽呀～～］］

不過。。。。其實可以揾人代領的。［呢個時候都係召喚。。。媽呀～～～～～～～］

問４。咁係咪只限第一次投保先有得送？
答４。每一次買都有戲飛送，並非只限第一次投保人士。

問５。講到咁抵，係咪有ｄ地方／條款／意外係唔包？
答５。買保險睇個人需求，網站都有詳細列明保障範圍。

　投保內容：

（只顯示部份，詳情大家自行上網查詢）

同朋友討論過，買旅遊保險應該關注醫療保障同緊急運送支援。

大吉利是講句，最怕人在異郷出意外姐。

所以呢，平安保險係呢方面賠償算唔錯。尤其緊急運送支援係不設限額

因為有某Ｄ旅遊保險係唔包呢項支援，或者係比較賠償金額較細。

另一方面，有其他朋友最關注的係。。。遺失個人財物保障

咁呢方面平安保險就的確賠償得比較少。。。。

友人甲：一部電話都唔係呢個價錢啦。。（每項HKD 1000）

所以大家都因應自己需要而選擇買邊份保險。

問６。你講到咁勁，係咪有錢收？
答６。絶對無。仲要我真金白銀買左幾次旅遊保。。。。

因為優惠唔知幾時完，臨近聖誕同新年時間，希望趕得切係旅行高峰期推介比大家～

最最後，我想講係，真係超抵買呀！！！！！！

完～　（逹哥mode）

Sogo Thankful week 2015

今次買得比平時多，因為本身儲好彈藥買 Cle de peau，點知試完好唔啱，最後放棄左。。。

所以彈藥充足就分散買幾個品牌慢慢試。

１. NARS 粉底SET $4XX

　如果有用開佢地粉底，呢隻堅抵！細細塊胭脂 + 唇彩真係夠平時用～
　
　本身想轉粉底液，但係 Tinted moisturizer 有埋防曬，超方便！！最後都係買返呢個
　　　
　（圖中無影到細胭脂同細唇彩，因為個日未返貨，要揾日去拎返）
　　　　　　
２. Shiseido 防曬 及 乳液 SET (每款約$3XX-4XX)
　　
　防曬好出名，當試下無妨～
　
　乳液都未用過，試一試下佢！
　
　（本身WHITE LUCENT精華SET話唔使等星期六，肯比足錢星期六拎貨就得；
　　但有見呢兩個月用完無白過，雖然皮膚狀態其實好左又滑左，不過就唔想再俾機會佢）
　　   　　　
3. 雪花秀 Basic Set ($7XX) + 新BB cushion ($4XX)
   　　　
　又係未用過，當試下。。。中伏左。。。。。
　　
　而家夏天用真係好立呀！！！！！！留待冬天再試下。。。
　　
　買埋新出BB cushion順便join 會員，多一份SAMPLE.. BTW, 新出個BB CUSHION堅好用!!!!
  　　　
　無平時咁立，又透白D，唔會變暗～正！
　　
4. Melvita Toner Set ($4XX)
　　
　本身無諗住買，去左COUNTER貪玩試上手搽下杰身個隻TONER。試完走人去超市買嘢。
　　　
　點知就出左事。。。。。。。。
　　
　左手試上完TONER，行完超市半粒鐘，隻左手仲係勁水潤又唔立仲好滑呀！！！！！！！！
　　　
　對比右手乾爭爭。。。即時上返去MELVITA COUNTER買返SET!!!!!

玫瑰護膚系列。Melvita、Fresh、L'occitane & Watson's

原來買埋買埋，買左咁多玫瑰味的護膚品！！　

以前都無咁特別鍾意玫瑰味，但自從用完一次Jo malone Rose 香水後，感覺勁Relax又有女人味。

　　　

從此就開始迷上玫瑰味的護膚品。

Fresh Rose 系列都唔再多講。。。呢次主要分享三隻body lotion & hand cream～

　　　

１.Melvita Fresh Moisturizing Body Milk (購自專門店，HKD 210/200ml)

香味：玫瑰味較濃，唔係清新個種玫瑰味，但是可接受的味～

保濕：夜晚搽完，隔晚對腳仲保持濕潤，保濕力好持久！但香味無晒！

　　　轉季春天／秋天時多數搽呢隻。因為冬天用佢會唔夠潤；夏天用又立左Ｄ～

清爽：搽完明顯見到皮膚面層有少少令立立，不過隔幾分鐘就無咁立～

備註：當時係跟聖誕SET買，$300包括呢支Body milk + Shower gel + handcream & toner sample

　　

　　　　

２. Nature by Watson's Prestige Rose Hand Cream (購自屈臣氏，約 HKD 30)

　　　

香味：玫瑰味較Melvita清，仲帶有少少甜味～

保濕：可能用係手到，保濕力好麻麻，隔一陣對手就好快乾！

清爽：搽上手又係少少立，但呢次立係會立好耐。。。。。。

　　

　　　　　　

３. L'occitane Beautifying body milk (購自專門店，HKD 250/250ml)

　　　　

香味：玫瑰味係三款中最清新！！！！帶有雜莓甘甜香味～聞落去係好Relax～

保濕：保濕力無Melvita 咁好，隔晚對腳唔似搽過lotion.. 但香味好持久!!! 成張床似噴左香水

清爽：三款中最清爽！！雖然叫Body Milk，但質地似lotion咁稀，搽上手好爽好快吸收又唔立

　　　　

總結：

香味好感度：L'occitane＞Nature by Watson's＞Melvita 

保濕持久度：Melvita ＞ L'occitane＞Nature by Watson's

清爽度：L'occitane＞Melvita＞Nature by Watson's

價錢吸引度：Nature by Watson's＞L'occitane＞Melvita

　　　　

貌似最貴、最唔抵用的L'occitane竟然勝出。。。不過都要分季節同個人體質而定既～　

大家可以參考嘗試一下！（始終只比較三款。。無咁客觀～）

　　　

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

利申：本人身體皮膚屬乾性，尤其到冬天會特別易乾到甩皮。

２０１５年用清文。仲唔用晒你！？

收收埋埋，終於用完又儲起ｄ吉樽吉罐，就係為左影呢張大合影！

（由於裡面真係好核突，唔想解剖佢地影張嘔心相）

１. Fresh Soy Face Cleanser (購自專門店，跟SET送的SAMPLE)
　　　　　　　　　　　　
　　賣點：性質極之溫和的潔面啫喱，即時清除日常污垢及化妝。(摘自官網)
　　效果：好香的Cleanser，洗個陣好ＲＥＬＡＸ～
　　　　　洗完面皮膚唔會磞緊，不過起泡功能好差，配合唔到我個CLARISONIC
　　　　　另外，雖然講到可以卸妝，但我絶對唔會咁做。（卸妝我只會用卸妝油。）
　　　　　效果同我用開廿蚊支潔面膏無分別。
　　評分：4/10（洗個面姐，一大支要三百幾就太貴～）
　　　　　　　　　
２. Shu uemura TSUYA光感新肌精華 (購自專門店，HKD 590/30ml)
　　
　　賣點：令肌膚從基層逐層更生，形成 富彈性、充滿光澤及膠原蛋白的肌膚。(摘自官網)
　　效果：有淡淡的花香味，質地杰身；呢支精華絶對可以做到透白、有光澤，唔似死白搽粉咁既樣。
　　　　　用第一支個陣的確有白淨左，但用到第二支，效果無咁明顯；
　　評分：6/10（可以一試，但無第二次）
　　　　　　　　　　
３. Fresh Rose Face Mask (購自專門店，HKD 540/100ml)
　　　　　　　
　　賣點：為肌膚保濕，調節膚色，讓肌膚回復柔潤光澤。(摘自官網)
　　效果：又係呢盒？？　ＹＥＳ！！最近唔夠訓又亂食野，成面暗瘡。以為唔理會好快好返、退印。
　　　　　等左兩個星期，都係無退暗瘡印。最後死死地氣咁敷返幾日。好！返！晒！！！！！！
　　　　　我的敷ＭＡＳＫ小貼士：
　　　　　　沖涼個陣敷住ＲＯＳＥ　ＭＡＳＫ，沖完搽埋ｂｏｄｙ　ｌｏｔｉｏｎ洗埋面就剛剛好！
　　　　　　（ＷＥＬＬ～大家係事業型女性，放完工邊得閒坐定定敷ＭＡＳＫ先？）
　　評分：10/10（仲有多一盒係屋企，無可取代的ＭＡＳＫ）
　　　　　　　
４. IPSA Luminizing Clay (購自專門店，HKD 340/100ml)
　　　　
　　賣點：強效清除厚重角質及頑固黑頭，連隱藏毛孔最深處的污垢也能一次清除，杜絕暗瘡粉刺。(摘自官網)
　　效果：敷完黑頭會自動浮出黎，要極快手整走佢！！皮膚都會即刻明亮左～而且塊面唔會太乾～
　　　　　對比用過Kiehl's 白泥，呢款係我身上效果明顯好多！！！！
　　評分：7/10（大大支，一支用到至少一年，抵用！）
　　　　　　　
５. Aveda invati™ 頭皮淨化洗髮水 (購自look fantastic，HKD 280/200ml)
　　　　
　　賣點：减少掉髮達33％，*97％萃取自天然成份，減少由破損導致的掉髮。(摘自官網)
　　效果：有陣藥材味，人參味。用左一個月多ｄ，洗頭個陣果然少左掉髮。
　　　　　但每次份量要用兩泵先可以洗得乾淨。勁快就用完一支。好唔抵用。
　　評分：5/10（太貴，防掉髮效果唔值呢個價錢）
　　　
６. l'occitane 杏仁磨砂沐浴啫喱  (購自專門店，HKD 170/200ml)
             　　　　　　　　　
　　賣點：蘊含天然杏仁油及植物潔淨配方，天然杏殼微粒能溫和去除角質。(摘自官網)
　　效果：杏仁粒子比平時用開的身體粗粒磨沙細少少，用完皮膚滑一滑～最重要唔太痛，啱晒日日用～
　　　　　尤其夏天出汗、搽完防曬，想沖乾淨ｄ一定要磨沙ＧＥＬ～我已經習慣日！日！用！
　　評分：10/10（回購N支）

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

抒發文

最近好多事情想抒發。



....



如果，而家你同我一樣，感到迷恾，千萬不要輕易放棄。至少還有我陪著你。

夏天轉季。護膚分享。Shiseido White Lucent

超耐無更新！公事又繼續繁忙。趁長假快快update先 !!!!


天氣轉熱，每日用既護膚品要有咁爽得咁爽！

夏天亦開始著重美白多過保濕～～所以，轉用左新系列。Shiseido White Lucent。

（主要貪Shiseido 最近多左Promotion，多野送又唔太貴，值得一試！）

１. Shiseido White Lucent Brightening Balancing Softener (購自專門店，HKD 390/150ml)

                                
　　賣點：美白健膚水，即時賦予肌膚源源水分，重整膚質，令肌膚散發動人光澤。(摘自官網)
　　效果：呢隻係清爽型，夏天用的確好爽又唔笠！
　　　　　而且有去角質層功能；平時一起身用佢，成塊化妝棉會黃晒～（超有成功感！！！）
　　評分：9/10（未用完已回購多一支）
　　　　　　　　　　
２. Shiseido White Lucent Total Brightening Serum (購自專門店，HKD 760/30ml)
　　　　　　　　　
　　賣點：全新獨家配方「專利淨斑亮肌複合物」，提供高效美白修護，締造無瑕美透白肌。(摘自官網)
　　效果：質地係稀身的精華，同平時用開的杰身精華超唔同！！！仲以為唔會有效。　　　　　
　　　　　乖乖地早晚用一次，兩星期後明顯見到皮膚亮白左！之前洗完面皮膚會白淨左，但一個鐘後會暗黃返。
　　　　　而家皮膚就好似一直維持係洗完面的狀熊，亮白！！好期望遲ｄ會再白一兩度～！！！
　　評分：6/10（美白精華唔可以用死一款，皮膚習慣左就唔會有更好既效果，所以未必會再回購）
　　　　　　　　　　　　　  　　　　
３. Fresh Rose Hydrating Gel Cream (購自專門店，HKD 390/50ml，當時跟SET裝買)
　　　　　　　　　　　　　　　　
　　賣點：為所有類型肌膚提供每日24小時長效保濕。(摘自官網)
　　效果：介乎ＧＥＬ同ＣＲＥＡＭ質地，少少立。一貫ＦＲＥＳＨ玫瑰香味，但保濕效果一般，無特別
　　評分：4/10（呢個價錢可以買更好的保濕ＧＥＬ；除非好鍾情玫瑰味）

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

利申：本人為混合性偏乾皮膚，夏天T Zone位會瘋狂出油；冬天面珠位會好乾，上唇位更會甩皮。

三月。購物樂

最近不停消費，有Ｄ係補返用完的護膚品；有Ｄ係亂買。。。。

三月不只是過了幾天嘛？（哭著奔走～～～～～～～～～～～～～～～～～～～～～～）

先放上照片，遲Ｄ先再詳細寫返分享文

１. Aveda invati shampoo & conditioner (購自look fantastic )
     

２. 化妝棉 & 玫瑰lotion (購自759 kawaiiland)
　　

３. Shiseido White lucent Softener & Serum (購自專門店)
　　

　　　

４. Loccitane shower gel & body lotion (購自專門店)

 　　　

二月分享文

好耐無做過每月分享，最主要係工作上太忙！

新一年希望至少每月出到一篇分享，當作記錄又好，訓練恒心都好＝］

二月最愛

１. Etdue House 眉GEL （二號色，購自專門店，約HKD 6X)
　　
　　賣點：夠平，夠多色選擇！總有一款啱你！
　　效果：以前最多用眉筆／眉粉畫眉，但總覺得好假／生硬；
　　　　　用左眉ＧＥＬ後，成個妝感係ｓｏｆｔ左，女人味左！而家每次化妝出街必定用眉ＧＥＬ！！！
　　評分：9/10（回購gogogo）

２. Fresh Rose Face Mask (購自專門店，約HK 5XX，因為跟SET買)

　　賣點：主要做保濕效果, SELL天然成份
　　效果：保濕效果仲差過我FU 森田保濕PAPER MASK, HOLD唔到一兩個鐘。
                 但係!!!!!! 退紅印/暗瘡印係堅快!!!!! 連續FU佢一星期, D印退左至少七成!!!!
                 年紀有返咁上下會明白退印難過退貨。（苦笑中。。。。）圖中証明我好勤力咁用晒去～～～呵～
　　評分：5/10（真係太貴, 不過如果有SET裝一定入返黎看門口）
　　　　　　　　　　　　　　　　　　　　　　

３.Aveda Damage Remedy Intensive Restructuring Treatment (購自專門店, 約HKD 380)


　　賣點：針對脆弱髮質，讓它回復自然美，使頭髮健康，如絲般柔順，增加亮澤。（擇自官網）
　　效果：之前電完/自己又成日捲頭髮N咁多次, D頭髮旱過假髮!!! 
　　　　　只要用返一次, D頭髮係絕對同新既一樣 :LOVE:
　　　　　曾經換過幾種唔同hair mask/hair treatment, 無一種可以維持半日!!! Aveda係絕對令你柔順全日!!!!!
　　　　　回復自然美＜做到！！！　　　　　
　　　　　使頭髮健康，如絲般柔順＜即日做到，同神仙水無分別！！！！　　　　　
　　　　　增加亮澤＜咪玩啦，又柔又亮～同新頭髮一樣！！！！！！！　　　　　
　　　　　ＢＴＷ，之前日日用，而家隔幾日先用一次，無咁肉痛～
　　評分：10/10（無左佢我會死！！！！！！！）
　　　　　　　　　　　　　　　　　
４. Visee Glossy Rich Eyes （PK-3色號, 購自日本藥妝, 約HKD 6X)

　　賣點：日本又平又質素高的化妝品牌, 日本買當然再打多個八折～～有咩理由唔買？
　　效果：自己本身唔迷眼影，但呢隻有酒紅色，靚到爆！！
　　　　　完全係冬天的顏色～最近化妝必用酒紅色！！！！　　　　　
　　　　　粉質同我用開的Majolica MaJorca比，絶對唔易飛粉！但係上色係好淡，要搽多兩三下先出色！
　　　　　尤其最深色的啡色眼影，真係太淺色！用黎做下眼影先自然～
　　評分：6/10（香港要成HK80-100盒我就未必買啦）
　　　　　　　　　　　　　
二月雷品
１. Loreal Anti-Aging Transforming Eye Cream (購自萬寧, 約HKD 130)

　　賣點：去眼紋同時有埋冰涼按摩棒去水腫
　　效果：ＯＫ～按摩效果的確唔錯！唔油又爽～試上手的確無問題。
　　　　　但用上眼幾日即出油脂粒！！！以為係FACE CREAM問題，過幾日再試；再出多粒！！！！
　　　　　ＢＹＥ！！！！！！
　　評分：2/10（兩分送俾冰涼按摩棒, 永不回購）
　　　　　　　　　　
２. Biore Foaming Facial Wash (購自萬寧, 約HKD 6X)

　　賣點：充滿水潤成份，洗面後不會繃緊～洗面泡沫啱晒懶人一族唔使起泡～
　　效果：洗完係超級無敵乾到爆！！！！！！！試上手洗都勁乾手～咪講笑用黎洗面！！！
　　　　　仲要拿眼！！輕輕掂到眼都極度痛！！！
　　評分：0/10（洗手都乾, 我仲用黎做咩好?? 永不回購）

購物分享。Aveda Damage Remedy [更新]

前排用完Aveda Damage Remedy hair treatment,

因為當護髮素咁日日用, 買左差唔多兩個月唔夠就用完 （超級肉赤中）

咁當然，用一次就可以拯救左我把爛髮，呢D錢係好值得使!!!

再～當然，如果隔一兩日唔用，我ｄ爛頭髮係真係會打回原狀；所以我先堅持日日用。

今次買左：

１. 右二：Aveda Damage Remedy intensive restructuring treatment 深層修護乳 （HKD 380/150ml）
　　　　　用完洗頭水後，用佢代替護髮素，同時焗佢五分鐘先洗返乾淨。

２. 左三：Aveda Damage Remedy hair repair 頭髮速效修復精華 （HKD 320/100ml）

　　　　　吹頭前或捲髮前搽少量係髮尾。

（不過呢個係第一次買，未用正式過；ＢＡ有幫我搽上頭髮試過，唔立唔油）

３. 剩底個d係sample： Smooth Infusion 系列洗頭水、護髮素及髮膜；另外有支Dry Remedy精華油.

本身諗住夾埋其他髮膜一併寫比較文，但忍唔住ｐｏｓｔ左呢篇先！

因為其中三支Sample係登入Aveda網站下載張Coupon送！當然係先到先得啦。

（http://www.aveda.com.hk/sites/default/files/file/aveda/hk/en/voucher_tc.pdf）

趁新年執返個靚頭啦喂～！！！！！

2015.2.19更新：

十分多謝網友提點，一直去開look fantastic 買野, 見住所有AVEDA產品都會寫明：

We are sorry but Aveda can only be shipped within Europe.

所以我一直以為送唔到。

尋晚試下order, 點知真係訂到, 今日都收到成功發送的EMAIL!!!!!

超級開心!!!!!!!!!!

最開心當然係真心分享，同時又有好心既網友提醒！

多謝晒BE sis!!!!!
(稍後又可以出購物分享文)

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。