2019 更 新

好耐無update 過個blog
發現有好多留言都miss左
為免再錯過留言
update好多聯絡方法 (再加有留言即刻email通知我)

email : immelleee@gmail.com
instagram: im_mellee
facebook: mellee

 ---------------------------------------------------------
應該都多人睇 的文章有： 周法緣 占卜經歷
半年後報告一早寫左啦, 準唔準可以參考
https://beautymellee.blogspot.com/2017/11/blog-post.html
我見佢facebook仲有出黎講野, 賣野
希望俾個參考大家

至於牙醫名字, 都係私下聯絡我好D (唔想佢太出名, 搞到大家無得睇)
呢位牙醫同註診姑娘心地都太好
會先照顧小朋友, 老人家, 同經濟有困難的人
變相根本無時間睇新症
老實講, 我只係約佢洗牙, 都要一年前預約

至於瑜珈, 自從舊店結業, 休息半年又再揾到好地方
希望呢幾個月可以加深練習
下年一定一定要考返個導師牌証明自己

素食方面, 樂農營業九年, 終於都結束灣仔分店
雖然都揾到新飯堂, 不過都係唔夠樂農咁好

估唔到兩年前寫的文
兩年後睇返, 好多野都變晒

樓上冷氣機滴水, 點搞? (上集)

心血來潮想分享, 一路望住個窗一路打呢篇文

好驚開口中話唔滴水又突然......................

我可以肯定香港一定係全球最受冷氣機滴水滋擾的城市

因為香港人口同大廈密度高, 一年四季接近夏天的温度幾乎日日開冷氣

(利申我一年四季都無開冷氣)

冷氣機開得咁密咁耐, 易壞易滴水係絶對理解

癈話唔多講, 講下我幾次關於樓上同隔離屋冷氣機滴水經驗

2015年 第一次遇上樓上冷氣機滴水

因為冷氣機滴水聲, 搞到晚晚訓唔著, 個人就特別燥底

有晚頂唔順, 落樓下揾管理處投訴

點知個管理員阿伯好驚拍門叫人

你知人一躁底乜都做, 我就陪個阿伯上去樓上鬧人

點知樓上話唔係佢地, 仲話佢地個冷氣機根本對唔準我冷氣機位

好!

咁我又上多一層, 點知人地訓緊覺, 仲話冷氣機都無開

好

如是者, 我逐層樓拍門問人邊個冷氣機滴水 (你想像到有幾夜, 我又有幾躁底!!!)
上左六層, 終於揾到屋主, 肯開門應我

亦即時道歉同關冷氣機

件事未算即日搞掂

因為一至兩日後, 又再冷氣機滴水

我呢次連管理處都唔理, 自己剷上去鬧個屋主

呢件事做左兩三次後, 2015年終於無再聽到有冷氣機滴水

2018年 8月 第二次遇上樓上冷氣機滴水

呢次就無2015年咁好彩

咁啱呢年轉左工, 留係屋企時間多左

自然發現多左好多鄰居問題

發現原來冷氣機滴水係由下午茶時間開始到凌晨

呢次就可以有陽光時間下拍片影相

不過情況就更複雜

發現係有兩層單位都滴水

- 首先對上兩層單位滴水, 滴到我樓上單位

- 之後係樓上滴水, 滴落我樓下單位

(係, 兩層單位滴水都無滴落我冷氣機到, 但仲嘈到我!!!)

因為兩個滴水情況太嚴重, 嘈到我呢層

我就向管理處投訴, 可惜又無2015年咁易處理

  

首先樓上單位話肯定無滴水

管理處阿伯就拍門揾我

我就話我拍晒片, 管理處阿伯話要我上樓上要我自己同人講

(想大我唔夠膽鬧人??? 佢肯定未起過我底)

好彩段片真係影得夠清楚

樓上單位都好有禮貌話過幾日先搞掂, 今晚可能唔熄冷氣住

到最後佢的確好有口齒, 好快搞掂滴水問題

好啦, 到再對上兩層單位呢?

係由頭到尾揾唔到人之餘, 我揾左幾次管理處投訴

點知管理處阿伯話: 同一個單位我只會提示一次, 人地唔肯我都無辦法, 你自己揾食環啦

個個都係咁做

個刻我嬲到震, 俾錢你全日留係到同人吹水架???

唔使理住客架!!? 

到最後梗係要自己EMAIL食環署, 拍晒片又影埋相

頭幾次return email而我又唔知

發現個食環EMAIL收唔到咁大的video

到我SEND晒啦, 十日後同我講" 已派人調查但並無滴水情況發生"

個刻我又火到黎, 等足十日先咁講

成個月我都係聽住滴水聲訓

之後咁啱轉季先無冷氣機滴水

**************************************待續

其實2018年無好好解決冷氣機滴水問題

到下一年, 即係2019年, 冷氣機滴水事件又發生過

仲煩過2018年, 

但呢次我覺得比上兩次處理得更好, 想分享下

等我一日, 聽日打晒去

2019年 BNO 續期、副簽 心得分享

------------------------------------------
** 2019.10.21 updated**
拎完BNO唔夠一個月就幫朋友副簽
佢都順利申請到BNO啦!!
------------------------------------------

終於成功 renew my BNO!!!!!

係收到BNO前, 申請同等待係特別漫長、緊張同興奮

直到收到BNO個一刻, 先發覺, 又無乜特別值得開心

因為: 我係有權利同應份去續領BNO!!!!!

特別係最近幾個月香港發生咁多事, 更加喚醒我呢隻港豬續領BNO

呢篇主要分享我成個續領過程

留意每個人背景不一, 有機會我咁做可以成功無事, 但唔代表你都可以成功

*********************

1. 事前準備

睇左好多個案例, 大致都係連登、高登、仲有少量係google揾到的教學

不過最有用, 最點醒我的案例反而係呢個:

https://www.inmediahk.net/node/1063755

<分享申請BNO的經驗 by 吳廣明前懲教主任>

佢分享左佢老婆有舊BNO寄過去, 同佢無舊BNO寄過去的分別

無舊BNO寄去係特別麻煩 過程仲好耐

其實有失敗(?)的案例, 就大概知道點先可以成功

(即係一條永遠輸錢的program, 掉轉就會瘋狂賺錢咁)

即係點? 

瘋狂叫你阿媽幫你揾返本舊BNO!!!

揾到本舊BNO, 已經代表你有99%成功續領到

2. 網上申請

youtube有個教學詳細到不得了, 跟住做完全零煩惱 

(可惜我事後先知.....)

https://www.youtube.com/watch?v=kBo01-KviJs

對我黎講, 上網填資料最煩有幾樣, 係煩到我唔想再申請:

a. do you have a naturalisation or registration certificate?

(係未睇youtube前, 完全唔知係乜)

唔見其他人講同問呢張cert係乜

我諗極都無一張咁的certificate係我屋企出現 

因為填yes, 人地真係要我証明, 而我無貨咪大獲?

最後我係填無

(係youtube有解釋係申請"歸化"的証書, 而我不知道是......?)

b. Apply for a first UK passport

去呢到我又嚇到癩屎, 乜鬼first UK passport?

仲要interview?

我反覆禁左幾次, 明明我係renew passport唔係first passport

到最後忍唔住問連仔

話咁講係好正常, 拋下你浪頭姐

就咁禁Continue當無事發生過就得

c. Parents’ details & Grandparents’ details

呢D資料就真係背景問題, 你方便答晒就當然照直答晒去

e.g. 老豆老母有無BNO, 我問佢地, 佢地實答無, 因為我問我有無申請過BNO佢地都話無

咁好彩有得填"i dont know"

都係個句, 唔肯定有定無個陣, 有得揀就揀no/ i dont know

仲有grandparents details 就更加肯定拎唔到

真係passed away 好多年

我直接答i dont know 同埋全部blank晒去

個陣都煩左陣, 不過一諗起萬一要我比証明就大大獲, 都係填i dont know 算

而且用正常人邏輯去諗,

我renew BNO最重要係乜? 就肯定係我個人資料同本舊BNO

(條問題就好似問打邊爐最緊要係乜咁)

  

3. 副簽

當你成功填晒所有資料, 俾晒錢先知使唔使副簽

咁當然我準備申請之前已經問定朋友肯唔肯幫我副簽

(副簽人士要彩色印埋護照, 講真做朋友唔係應份比你影印, 真係要問定先)

老實講, 我身邊真係無人有BNO, 亦無英藉人士朋友

所以只係揾左特區護照的專業人士幫我副簽

所謂的專業人士真係好廣泛, 只係有牌照人士, 乜牌照都得

4. 準備文件寄去

雖然HMPO要求我寄好多野, 例如本人同老豆老母出世紙, 老豆老母結婚証書等

但我實際寄過去只有呢幾樣:

- 舊BNO 正本 (無剪角, 無爛, 小學生証件相, 過期十幾年)

- 特區護照正本 

- 身份証正反面彩色影印

- 住址証明正本 (我用銀行信)

- 副簽人士彩色影印護照 + 表格

>> 去郵局用speedpost寄 (事後發覺用掛號寄就夠, 唔使咁貴)

講出黎都嚇親朋友, 話咁夠薑成本護照寄去

我都計左值博率, 單單彩色影印全本要二百幾蚊

補領特區護照就三百幾, 用一百幾蚊博HMPO唔會整唔見我本特區護照都幾抵博

仲有, 我用行動証明我有幾想申請成功, 成本特區護照比HMPO任CHECK

講真你代入HMPO個位, 申請人比埋本正本護照, 做野都安心D啦

 (事後諗返都幾驚, 因為有連仔話試過俾HMPO將特區護照剪角.............................)

5. 所需時間

由網上申請, 到實際收到BNO, 只需廿幾日!!!

好似仲快過申請特區護照

************************************

我有晒心理準備有文件再寄去、副簽要揾過個, 仲有好多好多問題

幸運地 1take 過拎到

仲有, 2019年8月申請個堆特別快, 6月申請個堆都仲排緊

所以快速寫篇文交代下, 希望大家睇到呢篇文就即刻行動renew BNO

我成功RENEW BNO之後, 都叫埋我身邊同事renew BNO

仲幫埋同事簽副簽!! 

希望大家申請完, 順便廣傳renew BNO, 仲有幫手副簽

做到真正的薪火相傳!!!

預祝各位申請BNO順順利利!!! good luck!

做瑜珈拉傷意外保險包唔包？ - 自行休養定睇醫生？

話說每次想寫長篇BLOG都係因為有意外發生

(例如之前整爆牙, 呢篇文到而家都一直收到EMAIL問我醫生名)

今次, 係呀, 我又出事啦

2019年, 未過半年我已經拉傷左兩次

(如果無興趣睇我受傷過程, 可以拉到最底睇 Q&A)

(照舊, 有問題email我: beautymellee@gmail.com)

(又或者最快係Facebook inbox我)

第一次拉傷：自行休養

2019年2月

上瑜珈堂時, 由於一對二, 瑜珈老師想幫我地拉深少少

個陣就係做一字馬拉得太深; "啪"一聲, 

我成個跳起左!! 大腿內側痛到不得了 

個刻我都未知驚, 都繼續上堂, 只係做唔到前彎

落堂個陣, 瑜珈老師只係淡淡然咁講拉傷好正常

返屋企拉下筋好快好返

可惜, 個陣我相信瑜珈老師所講自己拉下筋鬆下

大概一個禮拜, 大腿內側先無咁痛

一個月後先上到瑜珈堂

直到而家, 三個月後, 仲未做到一字馬, 拉深少少後大腿都會赤赤痛

                   
第二次拉傷：睇醫生

2019年5月

係屋企跟住coffee youtube 練下腹肌

做做下side plank, 膊頭突然勁痛

呢次又即刻坐返起身, 諗住鬆下膊頭做下stretching應該無乜事

可惜, 到我準備訓覺就知呢次堅大獲

膊頭條筋拉傷, 扯到頸部條筋

由準備訓落床, 訓落床, 同係床想轉一下身

呢三個咁基本的動作都扯到條筋, 痛到好似條筋就黎裂開

成晚我訓到幾秒, 又痛醒, 訓下又醒下

個晚我真係諗住就死, 成晚google睇下拉傷筋會點
         
       

首先一定係discuss
1. https://www.discuss.com.hk/viewthread.php?tid=26540894
"肌肉拉傷唞咗半年都未好點算好?"
"有無e生可推介,不停拉筋無用,睇物理治療針疚又無用,網球又無用.睇過幾個醫生,個個都只比冬青膏我想有好e生,成年做五到gym,不停洗錢睇垃圾e生好痛苦求幫助"

2. https://www.discuss.com.hk/viewthread.php?tid=25734249 

"做gym不幸受傷"

"拉傷筋腱照MRI,你知道照一次MRI要幾錢嗎？？"
     
               

諗起呢次實手尾長, 好彩諗起有買意外保險, 又再Google

1. https://www.msig.com.hk/zh-hant/claim-case-sharing/personal-accident/accidental-bodily-injury-must-be-solely-and-directly-caused 

「意外受傷」的定義為純粹及直接因意外、外來、暴力及肉眼可見因素，並於身體上有明確可見瘀痕或傷口，而非任何其他原因或任何疾病、病症、身體機能逐漸退化或精神損耗引致的身體損傷。

嘩, 我睇到呢句已經心知不妙, 我做運動拉筋整傷意外保險包唔包?

驚到我臨入診所見醫生都諗住實破財, 實使幾皮野

最後, 睇完醫生, 俾左$320, 一晚好返晒

我明白當人受傷會好無安全感, 咁就算睇醫生都唔係下一秒的事,

係受傷到睇醫生之間, 總會GOOGLE睇下其他人會點處理

最記得受傷個晚係諗如果重傷就大大穫, 傷到頸唔係小事, 而且年紀大手尾長

同埋我未試過傷到訓唔到覺; 平時整傷都唔會咁

諗住上網睇下肌肉拉傷意外保險保唔保

又發覺每個人都有唔同講法, 又無人寫返事後報告

又或者個個都係求其自行搽按摩膏, 幾個月好唔返先睇醫生, 個堆人多數出晒大事

大吉利是講句, 今次好返唔知有無後遺, 但至少而家好返D, 將來後遺機會就細
             
              

肌肉拉傷 - 治療 Q&A
    

(以下意見只屬個人經驗, 如有問題請聯絡相關專業人士)
            

Q1. 肌肉拉傷之後, 應該點做?

A1. 咁都視乎拉傷得輕定重, 如果痛到影響你生活, 例如我係完全訓唔到覺, 建議立即睇醫生

Q2. 咁即時搽返muscle cooling gel/ 酸痛貼 會唔會好D?

A2. 涼一陣令你忘記痛楚, 但好快又痛返

Q3. 食得止痛藥掛?

A3. 我個陣醒唔起可以食, 醫生都問點解咁痛唔食

Q4. 咁睇中醫定西醫?

A4. 西醫, 至少即時痛症會減輕; 中醫, 例如針灸 都未必即時好得返 (大佬聽日要返工架)!

Q5. 上網見肌肉拉傷唔係咁易claim到意外保險?

A5. 無錯, 原則上只要係意外受傷保險都會包

        不過同醫生講都要有技巧; 

        一來, 唔好話自己唔小心, 因為呢個根本係意外

        (我同醫生強調我做左幾年瑜珈, 呢個係基本動作, 我都唔明點會拉傷 - 事實係咁)

        第二, 同醫生講要收據用黎Claim意外保險, 聽佢講用咩字眼, 

        當日佢都好醒話 "sport injury", 只要收據有 accident / injury 一般都可以claim

Q6. 就算有保險, 係咪都要去左普通科先轉介專科?

A6. 絶對唔使, 直踩去專科都得; 不過我覺得首先俾家庭醫生睇睇好D

Q7. 如果食完藥都好唔返, 咁點算?

A7. 轉介去物理治療, (當然如果重要撕裂, 可能要睇骨科)

Q8. 嘩, 物理治療要做幾次喎, 條數好cum計???

A8. 意外保險包埋, 但留意係計每次意外, 我個份係每次賠USD3000, 

       咁每次物理治療都幾百至千幾; 照埋個MRI (如需要) 大概幾千, 都使唔晒舊錢

       放心將你個人交比醫生

Q9. 醫生俾左咩藥俾你?

A9. 都係止痛藥, 按摩膏, 同埋...安眠藥 

       (醫生話我份人太緊張, 肌肉一直扯住先訓唔到, 唔係因為痛喎....................)

Q10. 咁你幾耐好返?

A10. 一晚

       (我仲好記得醫生叫我食一晚藥, 無事就停得藥, 我"下"左聲)

Q11. 其實係咪本身唔重傷先咁易醫好?

A11. 個晚我係痛到貼近死亡, 行步路都chok到個膊頭/頸/腦 , 返工只可以睇到一個mon,

         唔可以向前向後向左向右望, 行路都要勁慢; 我估算做幾傷

Q12. 點解咁易咁快好得返?

A12. 盡早求醫, 多D休息; 
         以我為例, 有睇醫生整傷膊頭筋位, 一日食藥搽膏好返; 
         大腿內側筋位係受傷三個月後都未好返, 到而家拉深少少都會一直痛落去.
         我最後悔係點解當時唔睇醫生; 而家就算睇返都唔會完成康復 

Q13. 最後, 點解你要寫呢篇文, 你做保險架?

A13. 就係唔係做保險, 唔熟保險, 所以先寫呢篇文, 勸大家盡快睇醫生, 減低後患.

        

Q14. 真係最後, 你睇邊位醫生?

A14. 照舊email, 或者最快一定係 facebook inbox我; 

         呢位西醫我由細睇到大, 除左傷風感冒醫得麻麻地, 其餘奇難雜症都係一兩日好返

         (有2018年3月我整傷眼/ 皮膚敏感幾個月好唔返/ 返工壓力大到即場喊/ 女人病) 

         提返呢位醫生多人睇到不得了, 九至五以外時間, 你預等醫生一粒鐘, 等藥半粒鐘

最後最後, 希望各位身體健康!!