假日化妝用品

介紹下最近放假時會用的化妝品

底妝

1. Sofina Primavista Ange moisture keep base (購自台灣，約HKD 90)
   賣點：呢隻係台灣版Sofina，開架價錢，專櫃質素。
   效果：日本版我有用過，作為Base真係好夠保濕，但係太貴。
   　　　呢隻台版係差唔多質地，但係有！！閃！！粉！！仲要係勁難洗得甩！
   　　　所以呢支Base我只係用黎作光影。
2. Ettusais mineral bb cream (購自專門店，約HKD 190)
   賣點：可以用係暗瘡肌膚，甚至可以預防暗瘡 （官網咁寫架....）
   效果：得兩隻色揀。我揀左01色，上面會白左少少，唔算好乾，不過我都會溝 lotion上面；有暗瘡時搽佢唔會再爆瘡。
   
3. IPSA 三色遮瑕膏 (購自專門店，約HKD 300)
   賣點：三隻唔同色遮瑕膏，可以溝色用，又可以遮到黑眼圈同暗瘡印
   效果：用係眼黑圈到會好乾，成日都要補；但係遮暗瘡印係OK唔乾，仲唔易甩。
   　　　雖然好貴，不過用左兩年都未用完。（你見用到咁核突就知.....)
   
4. Shu uemura 絲滑保濕雙效蜜粉餅 (購自專門店，上年sogo thankful week 買set，約HKD 3XX)
   賣點：一邊粉係保濕用、另一邊粉係抗油用
   效果：。。。。而我不知道邊一邊係保濕？
   　　　其實我貪佢粉盒夠薄同個掃都算滑，拎出街補妝一流。反而無特別保濕效果。
   
5. kate 眉粉 (購自WATSON'S，應該一百蚊內）
   賣點：平　（用左幾年都用唔晒）
   效果：而家我用佢黎打鼻影，送個支掃用黎打鼻影係超級perfect!!!!
   
   眼妝
   淡妝時。上眼皮用右上角淺香檳色，下眼線用深啡色。之後上返眼線。
6. Majolica Majorca 眼影 (購自WATSON'S，約HKD 120)
   效果：唔算超級閃（同另一開架品牌 canmake 比,,,,）；普通大地色，唔易甩、幾持久但少少飛粉。
   　　　
   
7. Love Liner 眼線液 - 啡色 (購自日本藥妝店，約HKD 120)
   賣點：持久唔甩色，同埋包裝超級靚！！(OK... 呢個賣點係我俾佢既!!!)
   效果：都係好易溶... （其實我用咩eye liner都係溶，包括 kiss me。。。。。）
   
   
8. Fairy Drop Mascara (購自莎莎，約HKD 120)
   效果：記住一定要粉紅platinum 版先好買!!!! 呢隻真係自然增長濃密，唔會甩毛毛落眼袋。
   Fresh Lip balm (購自專門店，約HKD 210)效果：潤而不立。但好貴ar!!!!!!
   Jo malone perfume - English pear & preesia  // Blackberry & bay （買貨size送）
   效果：English pear 絶對係我 all time favorite !!!!!
   　　　最近會溝埋blackberry& bay黎噴；但呢陣味似東南亞人士用開的香水味。。。似男人用多d～不過香水人夾人既。最緊要呢支SAMPLE唔使錢。
   
   唇妝
9. Benefit 脂胭水 (買雜誌送)
   效果：夠持久同自然。但用完佢要上返陣潤唇膏打底。
   　　　（我本身有貨SIZE版，呢支用黎refill出街用）
   

Sogo Thankful week 2014 入手。FRESH & NARS。

十一月。一年兩次Sogo Thankful week。又係時候進貢！

簡單入手左兩個牌子就走人

１。FRESH。
　非會員只可以買＄８９０SET。三款 MASK＋洗面膏。
　會員可以買其他 set。不過無 leaflet 睇，只可以即場睇盒裝。

　問個職員check 返，唔知幾時我做過會員，非常好彩地可以揀其他set！
　入左玫瑰 set ，主要想要 Rose Mask。
　之前有排狂生暗瘡，一敷Rose Mask，Ｄ印真係一晚淡左好多！！所以買定一盒開門口。

　套裝：(HKD 1290)
　。貨 SIZE：Rose hydrating gel cream / Roe Face Mask / Rose floral toner
　。送SAMPLE：sugar face polish / black tea mask / soy face cleanser

    之後再買 Lip set。（得一款）
　

　套裝：(HKD 390)
　。貨 SIZE：Cherry Lip balm / Cherry Shine lip treatment
　。送SAMPLE：rose face polish

　因為反正都買潤唇膏！！而呢款又有多盒細 Rose Mask，拎去旅行敷就最 fit！

２。NARS。
　
　其實 Blush Set 抵好多！！！樣樣都可以試，仲要份量唔算少！！！

不過咁大粒脂胭，幾年都用唔晒，最後入左粉底ＳＥＴ。

套裝：(HKD 420)
　。貨 SIZE：Tint moisturizer
　。送SAMPLE：deep throat blush / primer

爬左文，Tint moisturizer 係最薄最補濕，又唔傷皮膚，冬天用啱晒～

　至於 Blush 只可以送deep throat 色。就咁睇真係唔靚，但ＢＡ幫我試上手，真係靚到爆。

暗紅暗閃。雖然細細粒，但脂胭又有幾可用得晒ａｒ！？呢粒夠一年用！而且又可以拎去旅行用la、出街用la、．．．．．．（下刪幾百個原因）

其實 Laura Mercier 都想入一ＳＥＴ粉底裝，不過，我諗起我仲有一支Tint moisturizer、碎粉係未用完。（其實啦，係因為唔太啱色啦。唔唔唔。。Ｄ碎粉上面，話係透明色，上完又會白一度lor。。。。又繼續下刪幾百字）

呢次我係平日中午去，排 Fresh 買野都係５分鐘內。不過我走人個陣，已經見到有十幾個人排緊。。。同當年見到Ｄ人排Sofina 一樣咁多。。。。。（但落返下一層，Sofina 已經無咩人排隊。）睇黎真係風水問題。

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。　

八月分享。2014 August Sharing

               

1. Evie Cleansing Oil 香薰卸妝潔面油 180ml （購自MiMing mart, 約HKD 320）                 
   　　　　　　　　                                                 　　　　　
   賣點：用植物油加天然香薰製成；經證實可有效潔淨、更新、滋潤、鎮靜及修復肌膚。部份香薰油更有舒緩、安神的功效。（摘自官網）
   效果：無出粒粒，不過卸眼妝要比ｄ耐性捽先卸得乾淨；同埋香香地咁落妝的確舒服好多！之前用開SHU UEMURA cleansing oil係礦物油，所以會好易出粒粒；而家已經掉晒佢地lu。
   評分：7/10（第二支啦～）
                                                                                                                                                  　
2. Avalon Organic Shampoo & Conditioner - Biotin B-Complex Therapy （購自Watson's, 每支約HKD 98）　　　　　　
                                                                          　　　                                          　　
   賣點：無矽純天然有機洗髮液及護髮素，強根健髮和預防髮絲折斷及掉髮問題（摘自官網）
   效果：連續用左兩個月。本身用開架洗頭水，一轉做天然有機洗頭水，真係超唔慣！！勁難起泡，仲要先勁唔滑（因為無左矽），ｄ頭髮係勁難梳勁易打ｋｉｃｋ。之後用慣左兩個星期，就好返ｄ無咁易打ｋｉｃｋ；之不過頭皮感覺係乾爽左，無以前咁易出油，証明係洗得乾淨。但ｄ頭髮係超級鞋，就算點用hair treatment、用幾多護髮素都無用，用到兩個月已經係極限。所謂的防掉髮、強根健髮，我絶對地唔覺有我係身上出現！！！因為我仲係成地都係頭髮。
   評分：5/10（不會回購）
   　　　　　　　　
3. 肌C透明質酸口服JELLY （購自優品360，每盒七包HKD 30）　　　
   　　　　　　　　                                                 　　　　　
   賣點：為肌膚補充營養及水份，當中含有低分子透明質酸、輔酶Q10、蜂皇漿及維他命Ｃ等
   效果：之前食開粉紅色的膠原蛋白jelly，全身皮膚真係會滑好多；呢隻透明質酸完全無呢個滑溜的效果，用黎止口痕就得。
   評分：5/10（不會回購）
   　　　　　　　　　　
4. 凡士林美白身體潤膚乳 （購自萬寧，約HKD 40）                              
   
   　
   賣點：可以均勻膚色，當中的維他命Ｂ３促進美白效果
   效果：全個夏天都一直用緊佢，超！級！乾！爽！我係非常勤力咁沖完涼即搽，仲要日日用！皮膚係係白淨左少少，尤其膝頭位，至少無以前黑卒卒。咁當然，都要努力配合一星期兩次的磨沙。
   有朋友都有用開呢隻lotion，但就話無效果。細問之下，原來只係閒搽下，仲要好少做磨沙。所以，女人係唔可以懶！！！！
   評分：８/10（一直回購）　　　　　
   
   聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。　　　

2014 夏天。我的化妝袋

好鍾意睇到女仔分享用緊咩化妝袋、化妝品，一大袋唔知放咩，神神秘秘咁。

以上呢個係我最近用緊的化妝袋，入面放ｄ咩？

。

登

。

登

。

登

。

登

。

。

。

1. Ted Baker化妝包（購自ASOS，HKD 224)
   
   趁特價先捨得買，不過個角位好＜吉＞手；同埋因為係硬膠袋，所以好唔flexible；
   硬塞d野落去都拉唔到拉鏈。袋咁少野其實都好滿啦，唔可以再放太大件野。
   　　　　　　　　　　　　　　　　　　　　　　　　　　　　　　　　　　
2. Bourjois blush, Rose dor （購自ASOS，HKD 90)
   
   又係趁特價買，屈臣氏原價HKD 110左右；但我等唔到屈臣氏特價啦。（狂笑中）
   Bourjois 的胭脂有香水味，香香地用落心情會好左。
   
   呢隻有少少閃粉，但唔會太誇張，不過唔持久。好多人都話個掃唔好用，我就覺得無問題。
   另外，ASOS成日都有Bourjois特價（又或者有時全單七折/ 八折）；
   因為ASOS免運費，大家可以去左屈臣氏試色之後先買。
   　　　　　　　　　　　　　　　　　　　　　　　　　　　　　　　　　　　
3. Fairy Drop 睫毛液 - 金色版（購自莎莎，約HKD 120)
   本身用開粉紅金版，所以諗住買埋金色試下，點知出左事。
   
   首先，用左一兩個鐘，睫毛液已經甩到眼肚一撻撻；
   仲有，我用左唔夠一個月，支睫毛液已經乾乾地，睇黎唔使三個月已經可以掉得；
   第三，完全無纖長效果，搽幾多次都係咁，仲要好易搽到一舊舊。
   強烈建議買粉紅色版，review可以下
   　　　　　　　　　　　　　　　　　　　　　　　　　　　　　　　　　　
4. Shiseido 睫毛夾 （購自莎莎，約HKD 80-100)
   
   用開KOJI睫毛夾，但用耐左佢粒的膠經常甩出黎，唯有買過新，貪新鮮就買左呢個夾。
   最初都唔鐘意呢隻夾，夾得好唔自然；不！過！之後我試下三段夾睫毛法（即係睫毛根、睫毛中間同睫毛尾段）；
   本來只夾到Ｌ字型的睫毛，而家好輕易咁夾得好ｈｉｕ，仲可以一下夾得晒所有睫毛。
   當然，睫毛夾係人夾人既；大家眼的弧形唔可能係一樣，所以呢款啱我，未必啱你。
   　　　　　　　　　　　　　　　　　　　　　　　　　　　　　　　　　　
5. Too cool for school 課後底妝午餐盒（購自專門店，HKD 220；原來卓悅有水貨賣，HKD 110)
   
   貪佢有光影、遮瑕兼粉底，一盒搞掂晒。不過用左咁耐，我係無掂過光影同遮瑕。
   個樽好易漏bb cream，仲好易爆左樽。。。。
   
   買個陣ＢＡ話得一隻色，我覺得呢隻白左d，同埋無ＢＡ講得咁水潤，因為我最後都要搽LOTION溝返。
   又係之前用開個隻用晒兼無貨（blending bb cream），用晒先買同牌子lunch box。
   下面呢隻blending bb cream先夠保濕，因為有一半係保濕成份，絶對唔使再溝lotion。
   
   　　　　　　　　　　　　　　　　　　　　　　　　　　　　　　　　　　　
6. Etude House 眉筆（購自專門店，約HKD 30）
   
   眉筆連刷，HKD 30絶對物超所值！去卓悅買一支刷都呢個價啦！
   　　　　　　　　　　　　　　　　　　　　　　　　　　　　　　　　　　
7. Body Shop Powder Brush （購自專門店，約HKD 120）
   買左好幾年啦，無甩毛又唔吉面；雖然都幾貴，但用咁耐都無事，覺得好抵用。
   最緊要無左支柄，易於收藏！平時有柄的掃要另外放，好麻煩。
    
8. Too Cool For School - Get ready dual primer   （購自專門店，買滿二百蚊以HKD 30換購）
   
   無試過單用，只會用黎溝BB CREAM；因為本身BB CREAM都夠遮毛孔。
   買完先覺得又貴又唔抵，同埋無特別用途。（始終我唔鍾意搽太多野上面）
   　　　　　　　　　　　　　　　　　　　　　　　　　　　　　　　　　　　　
9. Sofina Primavista Ange 粉餅（購自台灣屈臣氏，約HKD 100)
   只係買左補充裝，無買粉盒，因為平時好少補妝，又唔會拎出街。
   呢個我當碎粉定妝用，用Body Shop Powder Brush掃上，會貼d同薄d。

點解無遮瑕膏、眼線筆、眼影？
因為呢個係平時化淡妝的化妝袋。。。。。。（大笑中）
如果睫毛夾得好、搽得好，對眼已經夠神，唔使再加其他野；而BB cream又夠遮到瑕；
呢ｄ裝備都夠晒化淡妝～
同埋我用大部分眼線筆都會化開、甩晒，所以好少畫內外眼線。

如果有街去，要化好睇少少的妝，我會用另一個化妝袋。下次可以再分享。

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

分享。夏日皮膚護理

1. Kiehl's 金盞花植物精華爽膚水 (購自專門店，$330/ 250ml)
   詳細評價可參考第一篇BLOG
   七月分享。2014 July Sharing
                                                    
2. Clinique Moisture Surge (購自卓悅，試用裝，約$4X / 15ml)
   係專門店買實在太太太貴，買SAMPLE咁樣一樽用到半個至一個月。
   呢隻係夠保濕之餘，又唔太笠。夏天用就啱啱好；冬天要補多層B5 GEL先夠。
                                                                                                                 
3. Ultima II Supreme Caviar DNA Total Rejuvenating Eye Cream (購自專門店，thankful week set，唔記得幾錢)
   多數夜晚用；用左半年先感受到眼紋有少少少少少少咁多淡左。
   好處係，用左半年仲有半樽；無眼油脂粒，雖然杰身，但我唔得覺笠，仲好快吸收。
   壞處係，用左半年先有效；同埋單買應該都幾貴。。。。
                                                                                                             
4. Fresh 黃糖潤唇膏 (購自專門店，聖誕SET，$260 送一細盒唇部磨沙)
   好貴!!!!!!!!!!!!!!!!!!!!!!!!!!!!!!
   一支用到半年，滋潤得黎唔會油立立。呢支無色但有SPF15。
   用完會上癮，返唔到轉頭。
   之後用返萬秀雷敦潤唇膏，就硬係覺得用完唔覺有用過咁。
   如果唔想陷入呢個火坑，千祈唔好開始第一支。
   不過，你硬係想入手的話，建議係聖誕節買SET，因為FRESH平時好少做PROMOTION。
   (btw，呢支潤唇膏本身有牌子名係樽身度，我成日袋佢出街先甩晒D logo。)
                                                                                             

只係用呢四樣就夠? 導入液、精華呢? 
因為用完B5 GEL又無咩精華想買，所以而家護膚只係得呢四樣。

但我發覺用得愈少，皮膚反而比之前好左；可能皮膚負擔少左，無咁多嘢放係面，尤其夏天成日都覺得痴立立。
老套D講句，LESS IS MORE。

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

分享。最愛開架保濕面膜

森田高純度玻尿酸面膜 (購自萬寧, $38 盒)

超保濕又唔笠，夠平日日FU都唔肉赤!!!

對比<我的美麗日記>, <美肌之誌>, 我超鍾意呢款；但唔係隻隻森田MASK都好用。
之前有用過<森田高純度熊果苷>，美白效果唔明顯之餘，仲有少少笠。

利申 : 本人係混合性偏乾肌

咪住先!!! 特登開blog寫，點會係咁HEA講一盒買有幾好用。

其實呢次係想分享萬寧呢隻MASK做開的優惠比大家參考。

1. 今次係用$88買三盒。平均 $5.87一塊MASK
2. 特價$35個陣，買兩件八五折。買兩盒，平均 $5.95一塊MASK
3. 買滿一百五十蚊，送買滿一百蚊減五十蚊COUPON。但個陣萬寧要你用貴少少價買，即$38。
   當所有錢用黎買MASK，即買足七盒。平均 $7.6一塊MASK
   ( 就算佢標左$35盒，呢個玩法都要買足八盒，即係平均 $7一塊MASK)
4. 曾經試過有Promotion，買兩盒送一盒。當時係特價$35盒。平均 $4.67一塊MASK

                                                                                                                              

最抵當然係 4 啦!! 但可遇不可求。

最後，其實都係想開心SHARE下，又同大家玩計下數；萬寧成日買滿一百五十蚊送COUPON呢個優惠，係幾咁揾笨。

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

分享。牙齒護理

既然比得錢買千幾蚊的洗面機，牙齒護理當然唔少得電動牙刷。

1. 適齒美聲波電動牙刷 (購自萬寧，約一百蚊)
   貪佢夠平又夠輕；更換刷頭都係平均廿幾蚊一個，同普通牙刷價錢差唔多。
   之前有用過適齒美普通個款牙刷，比其他高X潔、黑X牌牙刷刷得舒服好多。
                                                                                                                                            
2. 牙線棒 (購自Watson's，約十蚊三盒)
   牙簽清潔得唔乾淨；一條條個D牙線我用極都唔識用，最後用左呢隻牙線棒。
   有隻係獨立包裝，平時我會袋幾支放係盒仔，因為我D牙好易ZIP到野...........(無奈)
                                                                                                          
3. CREST 3D閃亮白牙膏 (購自萬寧，約三十蚊)
   咁多款開架牙膏，最鍾意呢隻牌子....的味。
   當然，用耐左D牙的確有少少美白左，對比高X潔、黑X新款美白牙膏，呢隻算唔錯。
   但細間D萬寧係好少入呢隻。

牙齒乾淨又白D，笑起上黎都Charming d，所以牙齒要好好護理。尤其睇牙真係好貴....


聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。

聲波洗面機。Clarisonic Mia 2。分享購買前及使用後心得。

用左Clarisonic Mia 2已經半年有多，仲要係日日用個隻，應該都夠資格講下心得啦掛。(偷笑中...)

購買前的迷思....

1. 幾時買 ? 邊到買 ? 幾多錢 ? 
   2013年12月尾，IFC Lane crawford (IFC 少強國人，BA先得閒理你)。個陣買係HKD 13XX
   
   (截止2014年8月，Clarisonic官網標價$1400)
                                                                                                                                                      
2. 點解去專門店買? 水貨平幾舊水喎!!?
   朋友係水貨店買Mia 1 (HKD9XX, 早我半年買)，有一次保養，但要寄部機返美國搞。
   我爬過文，有D網友話美國個邊唔認有得咁整水貨。(係真係假就唔知)
   即係咁，部野千幾蚊，壞左又無得整都幾肉赤，自問經常整爛野，個三百幾蚊換兩年保養，識計數既你應該覺得值得掛?
                                                                                                                                                           
3. 個陣有Mia 1, Mia 2, Plus, Aria 呢四款，點解唔買最新款? 又唔買PLUS(清潔全身個款)?
   Mia 1: 個款太舊，得一個速度，如果唔啱FEEL就晒錢
   Aria  :  最新款又輕D同再貴D；三個轉速，好似用唔著；USB充電就晒鬼氣，我有幾可去旅行/ 公幹；
   Plus  : well... 身體磨沙就乖乖地留比身體磨膏做啦；仲有，支野咁重，揸住震足三分鐘，身為LADY既你地，根本無法忍受沖涼好似做緊GYM咁辛苦。
   所以，論功能、價錢，最後我買左MIA2。唔算太新太舊，轉速有快有慢，啱晒有時爆瘡既我。
                                                                                                                                                    
4. 點解要買Clarisonic ? 仲有OLAY, Neutrogena, PoBling ........... (下刪幾千個牌子)
   第一. 個陣好出名；講得出的洗面機，大部份都係抄佢功能，咁點解要買雜嘜唔買本身出名個款?
   第二. 2013年12月尾，飽受暗瘡之苦，無論幾早訓幾努力保濕，D暗瘡謝晒好快又會生返
   第三. 我係考慮左至少半年時間，同時見証住朋友皮膚好轉左，又睇晒網上comment，個陣又afford得起，所以先買。
                                                                                                                                                         

用左半年後....

1. 老老實實，暗瘡、黑頭、暗粒係咪無晒先!?
   話無晒個個肯定呃你。
   暗瘡，我肯定係少左好多。當時我左臉右臉額頭下巴都會爆幾粒，而家每個方位只會爆一兩粒，雖則我近排左臉狂爆瘡... (利申，夜訓麥記辣野一直長伴著我)
   黑頭，一樣咁多
   暗粒，本身好少有，唔覺有多有少過。
                                                                                                                                                         
2. 網上話用完會爆暗瘡、敏感，咁你有無先 ?
   第一個月，我係狂爆暗瘡，比之前爆得更厲害。第二個月開始爆少左，到第三個月再少D D，最好係第四、五個月，完全無瘡 。隨後幾個月都會爆幾粒瘡，但好快會謝。
   有另一位朋友係我介紹下都有買呢部機，但因為佢係極敏感肌，用左兩日就狂爆瘡兼敏感，最後當然退錢啦。(呢位朋友係專門店買，所以先有得退，水貨鋪有無得退就唔知)
   
   (截自官網，部機有問題，30日內可以refund。係退錢! 唔係換款)
   所以，洗面機唔係人人都啱用，詳情睇以下條新聞:

   濕疹暗瘡　忌「洗面神器」

   
   http://hk.apple.nextmedia.com/news/art/20140508/18713016
                                                                                                                                                       
3. 係咪要成日換刷頭 ? 一個刷頭用幾耐 ? 要幾多錢 ?
   BA話三個月換一次；我就見到D刷毛殘晒，先會即刻換；通常四至五個月就殘啦。
   (利申 : 我只會夜晚先用)
   可以單買或者買一盒兩個同款的刷頭。(都係專門店買，我怕買到假野)
   
   (截自官網；跟機係敏感刷頭，用左三個月我買左細緻刷頭，呢款無咁吉面，舒服好多)
                                                                                                                                                         
4. 講咁耐，如果部洗面機壞左又過左保養，你會唔會再買返Clarisonic呢 ?
   um... 講真，洗面機真係一件好EXTRA的野，如果個陣又有閒錢我先會買。
   同埋一年換三、四個刷，咁呢部野就變左長期消費，真係好come計。
   (事關我又見到新玩具，Foreo Luna!!! 都係千幾蚊，但唔使換刷!!! 如果Clarisonic壞左，我好想買呢部XDD)
   
   (圖片截自look fantastic；都係包兩年保養)

最後，始終呢部洗面機都好貴下，買完用半年係唔會變做劉心悠個樣。
如果呢千幾蚊買完唔會赤赤痛，又唔阻你開飯，又可以日日用，咁先好買。
                                                                                                                                                              

(聲明: 以上產品全為自購，所有評價純粹個人感受，只供參考。產品正確使用方法及價錢以官方網站為準)

七月分享。2014 July Sharing

1. Innisfree Soybean Energy Essence  大豆發酵精華 (購自卓悅，約$180)

    - 質地 : 黏液狀，搽上手五秒左右就吸收晒，皮膚唔會痴立立。

    - 賣點 : 平版SK2。主要成份發酵大豆精華，可刺激透明質酸產生，總之係令皮膚滑一滑。

    - 效果 : 持續用左係手一星期，當hand cream搽。結果對手係潤左少少少咁多；之前用SK2做相同測試，效果當然差天共地。

    - 評分: 5/10 (不會回購)

2. 森田藥粧極緻保濕原液面膜 (購自莎莎，約$6X)

    - 質地 : 面膜充滿精華，成袋都係；屬於紙面膜。

    - 效果 : 一直用開 < 森田藥粧高純度玻尿酸潤澤面膜 >，貪佢保濕又清爽 ；呢隻極緻版係保濕得黎比較潤，我覺得適合冬天用。

    - 評分 : 6/10 (不會回購)

3. Sofina Long Keep Base Ange (購自卓悅，約$9X)

   - 質地 : 無閃粉，用上面唔會乾。

   - 賣點 : 台灣版 + 平版 Sofina Base。長效控油不脫妝。

   - 效果 : 出油同脫妝減少左好多，但單用係遮唔到毛孔又無調色效果。用完再上bbcream，好似搽太多嘢上面，我寧願買個更控油的bbcream / 碎粉。

   - 評分 : 7/10 (非必需化妝品，去台灣有得特價先會考慮買)

4. Kiehl's Ultra Facial Cleanser (購自專門店，$90)

  - 質地 : Gel Cleanser

  - 效果 : 用完塊面唔會乾，清潔效果一般

  - 評分 : 6/10 (有SET裝、有特價先考慮回購)

5. Liese Smooth Hair Cocktail 瞬間柔滑魔髮水 (購自WATSON'S，約$4X)

  - 質地 : 水溝護髮素，潤潤地的水，超甜的果香味

  - 效果 : 因為電曲左頭，又乾又旱，出門噴幾下可以潤返頭髮仲可以半定型曲髮。

  - 評分 : 7/10 (已回購，用緊第二支)

6.  Kiehl's 金盞花植物精華爽膚水 (購自專門店，$330/ 250ml)

   - 質地 : 浸住金盞花的水 (香味似... 五花茶.....)

   - 賣點 : 天然成份的 toner，不含酒精，對敏感、暗瘡皮膚較為有效。

   - 效果 : 之前用開 Clinique toner，可去角質，但用完塊面係超乾，因為成支都係酒精；呢隻無酒精，所以抺唔到污糟嘢，但反而保濕效果好好，用完第二朝塊面出油係少左好多。

   - 評分 : 7/10 (太貴，呢個價錢可以買到更好)

聲明 : 以上產品全為自購，所有評價純粹個人感受，只供參考。產品正確成份及買賣地點以官方網站為準。